VOV4.Jarai-Kiăng ngă gêh gal pioh kơ mơnuih tơbiă anăn ruah khua pơ ala mơnuih ƀôn sang dêh čar tal XV hăng ƀing pơ ala djop gưl tơring čar Lâm Đồng rơwang bruă thun 2021-2026 bưp ƀing plĕ hră, ngă tui djơ̆ tơlơi phiăn.

Amăng anun, tơring čar pơphun 40 bit anih bưp nao rai lăng amăng tivi hăng 3 boh anih pơphun ruah khua pơ ala mơnuih ƀôn sang dêh čar tal XV, 142 bit anih bưp hăng 18 boh anih pơphun ruah khua pơ ala mơnuih ƀôn sang djop gưl tal X, rơwang bruă thun 2021-2026.

Ƀơi hơdôm anih bưp lêng kơ ngă djơ̆ hơdră pơgang klin Covid 19. Kơnong ƀơi anih ruah khua mrô 1 mơ̆ng ƀing pơ ala mơnuih ƀôn sang dêh čar tal XV hơmâo hơdôm tơring glông Lạc Dương, Đơn Dương, Đức Trọng hăng plơi prong Đà Lạt, yua hŭi klin Cơvid 19, Lâm Đồng bơblih hơdră bưp ngă tui lăng nao rai amăng tivi.

Truh ră anai, mơnuih tơbiă anăn ruah ngă pô pơ ala mơnuih ƀôn sang dêh čar tal XV hăng ƀing pơ ala djop gưl tơring čar Lâm Đồng ngă giong laih bruă bưp mơnuih plĕ hră djơ̆ hăng tơlơi phiăn.

Nay Jek: Pơblang