VOV4.Jarai - Ƀơi tơring čar Lâm Đồng, lu anom bruă, khul grup, mơnuih ƀon sang pơgôp prăk djru pơgang klin Covid-19. Mơguah lơ 11/6, Jơnum min djop djuai ania mơnuih mơnam Việt Nam tơring čar Lâm Đồng hơmâo tŭ mă mơng Khul git gai đăo phơ̆t Việt Nam tơring čar Lâm Đồng 500 klăk prăk.

Khul git gai đăo phơ̆t Việt Nam ƀơi Lâm Đồng pơgôp 500 klăk prăk pioh pơgang klin Covid-19

Ƀơi tơring glông Lâm Hà, mơng lơ 31/5 truh ră anai, djop anom bruă, khul grup, gong gai, anom bơwih ƀong sĭ mơdrô, sang hră, mơnuih ƀon sang hơmâo pơgôp rơbêh 737 klăk prăk; ƀơi hơdôm tơring glông tơnap tap anun lĕ Dă Teh, Đam Rông, Lạc Dương … rĭm boh ƀon lan ăt tŭ mă prăk pơgôp rơbêh 200 klăk prăk. Kiăng kơ pơsur djop khul grup, mơnuih ƀon sang amăng bruă pơgang klin Covid-19, lơ 10/6, Jơnum min mơnuih ƀon sang plơi prong Đà Lạt, tơring čar Lâm Đồng pơsit pơpŭ bơni hmao tlôn brơi 22 khul grup, ƀing mơnuih djru brơi lu amăng bruă pơgang klin Covid-19.

Siu Đoan: Pơblang