VOV4.Jarai - Lơ 8/6, Jơnum min mơnuih ƀon sang tơring čar Lâm Đồng mơ-it hră ječ kơ bruă brơi pơgiăng tuai nao rai tui hơđăp laih samơ̆ ăt khŏm kiăp tui tơlơi pơtrun pơgang klin Covid-19 mơn. Kiăng pơhlôm dưi ngă dua mơta bruă ƀrô pơgang klin Covid-19 ƀrô pơđĭ kyar bơwih ƀong huă, Jơnum min mơnuih ƀon sang Lâm Đồng git gai hơdôm gơnong bruă, anom bruă, khul grup hăng Jơnum min mơnuih ƀon sang djŏp tơring glông, plơi prong amăng tơring čar, dong mơng 2 mông tlam lơ 8/6, brơi laih pơgiăng tuai đuăi hyu samơ̆ khŏm kiăng tui tơlơi pơtrun pơgang klin Covid-19.

Jơnum min mơnuih ƀon sang tơring čar Lâm Đồng ăt git gai Gơnong bruă wai lăng jơlan nao rai pơdŭ pơgiăng tơring čar pơhiăp nao rai, ngă bruă hăng Gơnong bruă wai lăng jơlan nao rai pơdŭ pơgiăng tơring čar, ƀon prong bơdjơ̆ nao tŭ ư hrŏm hơdră wai lăng pơgiăng hyu tuai, pơhlôm huăi hơmâo klin ƀă hyu samơ̆ huăi kŏm sĭ mơdrô gơnam nao rai ôh, huăi ngă tơnap ƀudah bơbeč kơ bruă sĭ mơdrô; ăt brơi ƀing glăi mơng anih hơmâo klin dŏ pơčlah mơn; bơtơhmal ƀing ƀu nao pơhaih pơ sang ia jrao ƀudah pơhaih leč pleč, ƀu sit.

Siu H’Mai: Pơblang