VOV4.Jarai - Tlam lơ 8/9, Jơnum min mơnuih ƀon sang tơring čar Lâm Đồng hơmâo hră pơ-ar brơi sa, dua anih pok glăi samơ̆ ăt pơhlôm bruă pơgang klin Covid-19 pơ anăp anai. Ră anai tơring čar Lâm Đồng dưi pơgang hĭ klin laih, tơlơi ngă hŭi rơhyưt ră anai lĕ ƀing mơnuih ƀă klin pơkŏn mut rai amăng tơring čar lĕ mơng ƀing mơgăt rơdêh pơgiăng hyu gơnam hăng ƀing mơnuih mă bruă glăi mơng hơdôm tơring čar hơmâo klin.

Lâm Đồng lui hĭ hơdôm anih wai pơgang klin Covid-19 amăng tơring čar

Hăng hơdôm anih hơđuh đĭ klin ră anai dưi pơgang hĭ laih. Kiăng kơ pơhlôm klă “ngă ha amăng plĕ” pơgang klin hăng pơđĭ kyar bơwih ƀong huă - mơnuih mơnam, ngă gêh gal brơi hơdôm anom bơwih ƀong huă sĭ mơdrô, mơnuih ƀon sang plai ƀiă tơnap tap, Jơnum min mơnuih ƀon sang tơring čar Lâm Đồng rơkâo djop gơnong bruă, anom bruă, khul grup hăng Jơnum min mơnuih ƀon sang hơdôm tơring glông, plơi prong amăng tơring čar brơi pok glăi sa, dua anih bơwih ƀong sĭ mơdrô dong mong 5 mông tlam lơ 8/9; jang jai lui hĭ wai pơgang klin Covid-19 kơtuai tui jơlan amăng tơring čar. Samơ̆ hơdôm anih wai pơgang jơlan mut nao rai tơring čar pơkŏn ăt dŏ mă bruă mơn.

Siu Đoan: Pơblang