VOV4.Jarai - 17 klai 800 klăk prăk lĕ mrô prăk phrâo dưi hmâo Jơnum min mơnuih ƀôn sang tơring čar Lâm Đồng pơsit ngă tui Jơlan hơdră Lŏn ia djru anom bơwih ƀong pơđĭ tui gơnam ngă rai hăng anô̆ klă gơnam tam, gơnam sĭ mơdrô mơng 2021-2025 ƀơi tơring čar Lâm Đồng. Tui hăng kơčăo bruă amra djru 10 hơdră pơđĭ tui mrô gơnam pơhrui glăi mơng abih bang kah hăng anăn hơduah ĕp phun akha gơnam, gơnam mă yua pơđĭ tui mrô gơnam pơhrui glăi; djru pơdŏng 10 tơhnal pơkă anih anom pioh kơ gơnam, gơnam sĭ mdrô; tŭ yap 10 mơta gơnam tum pơƀut hăng 5 mơta gơnam djơ̆ tơhnal pơkă; 45 wot anom bơwih ƀong mă yua hơdôm glông hơdră wai lăng tui tơhnal pơkă mơng lŏn ia, jar kơmar, kual ISO, UTZ, Global Gap. Hluai tui kơčăo bruă anai amra djru anom bơwih ƀong pơđĭ tui mrô gơnam pơhrui glăi hăng anô̆ klă gơnam, gơnam sĭ mơdrô, djru hơdôm bôh anom bơwih ƀong amăng tơring čar mă yua glông hơdră hơduah ĕp phun akha gơnam, gơnam sĭ mơdrô kiăng pơhlôm tơlơi kiăng sĭ kơ dêh čar tač rơngiao, pơđĭ tui anô̆ klă gơnam, anô̆ pơhlôm mơng gơnam, gơnam sĭ mơdrô./.

Siu H’ Prăk: Pô pơblang