VOV4.Jarai - Kiăo tui jơlan hơdră bưp mơnuih ƀôn sang tơdơi kơ tal jơnum lok 2, Khua pơ ala mơnuih ƀôn sang dêh čar ta tal 15, mơguah lơ 16/11, ơi Phan Đình Trạc, Ding kơna Ding jum kơđi čar, Ding kơna git gai Ping gah dêh čar ta, Khua Grŭp apăn bruă Ping gah dêh čar hăng ƀing khua pơ ala Khua git gai wai lăng pơ ala mơnuih ƀôn sang dêh čar ta tal 15 anom ƀơi tơring čar Lâm Đồng hmâo mông bưp mơnuih ƀôn sang să Lát, tơring glông Lạc Dương.

Amăng mông bưp, pơ ala kơ Grŭp khua pơ ala Khua git gai wai lăng pơ ala mơnuih ƀôn sang dêh čar tơring čar Lâm Đồng, Khua Grŭp apăn bruă Ping gah dêh čar ơi Phan Đình Trạc čih djă pioh, pơsit yôm hơdôm tơlơi rơkâo đĭ sit nik hăng tơlơi hmâo amăng tơlơi hơdip mơda mơng mơnuih ƀôn sang. Pơblang, ngă rơđah dong sa dua mơta tơlơi bơdjơ̆ nao hơdră bruă djru gum tơdơi kơ tơtlaih mơng ƀun rin, kiăng pơhlôm bôh than tơtlaih mơng ƀun rin kơjăp; hơdră gum djru pioh kơ mơnuih apăn bruă gưl să, biă ñu mơnuih gơgrong bruă, plơi pla. Hrom hăng anun pơsit, tơdơi kơ mông bưp anai, Grŭp khua pơ ala Khua git gai wai lăng pơ ala mơnuih ƀôn sang dêh čar tơring čar Lâm Đồng amra ba tơlơi rơkâo mơng neh wa truh ƀirô apăn bruă pioh pơsir hăng lăi glăi lăp djơ̆./.

Siu H’ Prăk: Pô pơblang