VOV4.Jarai - Gơnong bruă wai lăng mơnuih mă bruă, tơhan rơka ruă hăng mơnuih mơnam tơring čar gum hrom hăng Khul hlăk ai tơring čar Lâm Đồng pơphun ngă lơphet tŭ mă kơ Keh prăk djru pơgang ba čơđai muai tơring čar hăng jơlan hơdră ƀơk prăk djru hrăm hră kơ čơđai sang hră ƀơi plơi prong Đà Lạt. Amăng mông ngă lơphet, Sang bruă wai lăng tuai čuă ngui Sài Gòn – Đại Ninh hmâo ƀơk brơi laih 2 klai prăk kơ Keh prăk pơgang ba čơđai muai tơring čar Lâm Đồng.

Yă Trần Thị Chúc Quỳnh – Khua git gai Khul hlăk ai tơring čar Lâm Đồng ƀơk prăk djru čơđai tơnap tap

Tơdơi kơ tŭ mă mơtăm, Grŭp pơphun bruă anai hmâo ƀơk brơi 500 anung prăk djru hrăm hră, rim anung prăk hmâo nua 1 klăk prăk kơ ƀing čơđai sang hră tơnap tap glăk dô̆, hrăm hră ƀơi hơdôm bôh sang hră hăng hơdôm anih anom pơgang ba mơnuih mơnam amăng plơi prong Đà Lạt. Anai lĕ bruă mă tŭ yua pơdah tơlơi lăng ba bơwih brơi mơng hơdôm khul mơnuih mơnam hăng anom bơwih ƀong anăp nao ƀing čơđai sang hră tơnap tap./.

Siu H’ Prăk: Pô pơblang