VOV4.Jarai - Mơguah lơ 5/7, ANom bruă pơgang klin kman tơring čar Lâm Đồng tŭ mă rơbêh 50.350 per test pơčrang tañ virus Sars-Cov2 mơng sang boh anom bơwih ƀong huă sĭ mơdrô amăng tơring čar djru brơi. Test pơčrang tañ virus Sars-Cov2 anai hơmâo ding jum ia jrao pơsit dưi mă yua, yua pơčrang lăng tañ hăng tŭ yua djơ̆ hăng tolwơi pơkă mơng Anom bruă ia jrao rŏng lŏn tơnah WHO hơmâo Kông ti pơčruih ngăn rơdêh pơgiăng hyu tuai Phương Trang blơi mut mơng Hàn Quốc ba glăi ƀơk brơi tơring čar Lâm Đồng djru pơgang klin Covid-19.

Lâm Đồng tŭ mă rơbêh 50.000 per test pơčrang tañ virus Sars-Cov2

Tui hăng ơi Nguyễn Quốc Minh, Khua anom bruă pơgang klin kman tơring čar Lâm Đồng, bruă tŭ mă test pioh pơčrang tañ klin anai lĕ yôm phăn biă mă, anai tơlơi gum djru kiăng biă mă ră anai djru pơgang klin Covid-19 amăng tơring čar. Tơdơi kơ tŭ mă, anom bruă amra kah pơpha brơi hơdôm anom bruă bơdjơ̆ nao amăng tơring čar kiăng kơ tŭ yua dong amăng bruă pơčrang lăng, pơgôp ngă klă dong amăng pơgang klin.

Siu Đoan: Pơblang