VOV4.Jarai - Anom bruă git gai ling tơhan wai pơgang guai lŏn ia phrâo hơmâo hră pơtrun mơ-it hơdôm anom bruă anun lĕ hơdôm anom bruă git gai ling tơhan wai pơgang guai lŏn ia hơdôm tơring čar giăm guai lŏn ia tŏ tui wai lăng kjăp, hyu tir, pel ĕp kơtuai jơlan guai kiăng pơgang klin Covid-19.

Anom bruă git gai ling tơhan wai pơgang guai glăk pel ĕp ƀơi hơdôm anih dŏ gak gah kơdư

Tui anun, rơkâo ling tơhan wai pơgang guai lŏn ia djop tơring čar gum hrŏm kjăp hăng gong gai ƀon lan pơtrut bruă abih bang mơnuih djru pơgăn mơnuih mut nao rai dêh čar Việt Nam ča čot yua kơ Khua dêh čar ta jak iâu; iâu pơthưr djop anom bruă, abih bang mơnuih ƀon sang ngă ha amăng plĕ, djop mơta, gơgrong kơtang hloh, khut khăt, tŭ yua dong amăng bruă pơgang klin, pơhlôm rơnuk rơnua mơnuih mơnam ƀơi kual giăm guai. Gir run pok pơhai lu hơdră bruă mă, kjăp hăng pơhŭi hlâo kơ djop bruă; wai lăng kjăp ƀon lan, pơgăn ƀing ba hyu mơnuih đuăi hyu dŏ ča čot kơtuai jơlan guai lŏn ia kiăng kơ pơjing hơdră bruă, pơphun hơduah ĕp mơng anun dưi pơgăn tŭ yua, pơhlôm hơđong djop mơta.

Siu Đoan: Pơblang