VOV4.Jarai-Hrơi anai, lơ 15/12, pok jơnum pơčrông sai bruă sĭ mơdrô Việt Nam thun 2021 hăng akŏ ñu: Ĕp anih sĭ mơdrô djru hrom rŭ glăi hăng pơđĭ kyar bơwih ƀong huă”. Jơnum anai, hơmâo 2 wơ̆t bơkơtuai phun, hăng boh yôm phun: Anŏ gêh găl hăng tơlơi lông lăng mơ̆ng hơdôm anih sĭ mơdrô hăng tač rơngiao tơdơi kơ Covid 19; Pơ anăp nao, hơdră rŭ glăi sĭ mơdrô djru hrom rŭ glăi pơtrut bơwih ƀong huă.

Khua ding jum wai lăng sĭ mơdrô, ơi Nguyễn  Hồng Diên git gai jơnum. Bruă ngă anai, yua kơ Ding jum wai lăng sĭ mơdrô ngă hrom hơdôm ding jum, anom bruă pơphun, kiăng akŏ pơjing jơnum pơčrông sai kơplah wah hơdôm sang bruă ngă hrom ĕp anih sĭ mơdrô pơ tač rơngiao hăng ngă hrom sĭ mơdrô; glông pơtruh nao rai jơlan hơdră kơnuk kơna, ngă gêh găl kơ bruă sĭ mơdrô hăng tač rơngiao; pơsit tơlơi gêh găl, anŏ čang rơmang kơ gơnam sĭ mơdrô mơ̆ng Việt Nam. Djru hrom pơđĭ tui tơlơi pơhno kơ bruă sĭ mơdrô pơ tač rơngiao hăng anŏ gêh găl mơ̆ng anom bruă sĭ mơdrô.

Nay Jek: Pơblang