VOV4.Jarai- Amăng mông ƀưp ƀô̆ mơta tal pioh hơdor glăo 43 thun hrơi blah dưi ƀơi kual giăm guai Yŭ Dơnung hăng hrŏm hăng ling tơhan dêh čar Kur blah dưi tơhan pơdjai đut djuai ƀơi dêh čar Kur (7/1), pơphun amăng hrơi tom hrơi lơ 7/1 hăng pran jua mut hrŏm giang mah, hơmâo lu tơhan hơđăp mơng dêh čar Việt Nam nao djru blah wang ƀơi dêh čar Kur, ƀing čơđai sang hră dêh čar Kur glăk hrăm hrăm amăng ƀôn prong. Mông bưp ƀô̆ mơta anai yua kơ Khul pơlir hơbit hơdôm grup giang mah ƀôn prong Hồ Chí Minh pơphun. Đĭ pơhiăp amăng mông pơbưp, khua anih jưh pơ ala dêh čart Kur ƀơi ƀôn prong Hồ Chí Minh Sok Dareth pơsit tong: Ping gah, Kơnuk kơna, mơnuih ƀon sang hăng ling tơhan dêh čar Việt Nam hơmâo djru hăng pơsăn drơi jăn kiăng kơ djru blah wang, djru brơi mơnuih ƀon sang Kur blah dưi tơhan pơdjai đut djuai amăng lơ 7/1/1979 hăng tŏ tui pơdong ling tơhan ƀơi dêh čar Kur kiăng kơ djru pơgăn tơhan pơdjai đut djuai, kah hăng djop mơta bruă kiăng kơ hơkrŭ glăi hăng pơjing dêh čar Kur. Mơnuih ƀon sang Kur hơdor na nao tơlơi gum pơgôp prong prin anai, hăng lăng lơ 7/1 lĕ hrơi hơkrŭ glăi tal dua. Anai lĕ gru grua mơ̆ ƀu dưi wơr ôh.

Siu Đoan: Pơblang