VOV4.Jarai-Mơ̆ng rơnuč rơwang hrơi tơjuh anai, hơdôm anih tuai čuă ngui, ĕp lăng ƀơi ƀôn prong Hồ Chí Minh kah hăng anih čuă ngui đang bơnga Thảo Cẩm Viên, Plơi pla tuai čuă ngui Bình Quới, đang bơnga gru grua Đầm Sen pok bah amăng čơkă tuai glăi tuai ĕp lăng. Tơlơi anai yơh, lu mơnuih ƀôn sang dŏ tơguan.

Hơdôm tơlơi ngui ngor gah rơngiao  amăng đang Đầm Sen amra ngă bruă glăi yơh

Tui hăng anun, dơ̆ng mơ̆ng lơ 6/11, Đagng bơnga Đầm Sen pok bah amăng čơkă tuai mut ĕp lăng. Amăng anun, djop bruă bơwih bơwăng, pơphun anih ngui ngor, bruă mă hyu ngui gah rơngiao, bruă bơwih brơi gơnam ƀong huă, mơñum kơphê lêng kơ pok glăi soh, kơnong anih pơdah tơlơi adoh suang đôč aka pok glăi bah amăng.

Khă tui anun, črăn blung a anai, Đang bơnga kơnong pok bah amăng hrơi năm hăng hrơi tơjuh. Hơdôm anih hyu ngui gru grua hiam, anih ƀong mơñum pơkŏn kah hăng đang bơnga Minh Trân kuân Tân Bình, anih tuai hyu ngui Văn Thánh, Tân Cảng, Bình Quới, kuân Bình Thạnh ăt lăi pơthâo pok glăi bah amăng soh.

Nay Jek: Pơblang