VOV4.Jarai - Ƀơi Hà Nội, Ding jum ngă hmua hăng pơđĭ kyar ƀon lan hăng Jơlan hơdră pơđĭ kyar Sang gum hơbit djop dêh čar (UNDP) hơmâo kĭ hră pơsit akŏ bruă “Kơtưn amăng bong glăi mơng ngă hmua lơ̆m ayuh hyiăng pơplih sat ƀơi kual Dap kơdư hăng Dơnung Tong krah”. Mông kĭ pơkôl hơmâo pơphun lăng nao rai amăng tivi kơplah wah khua mua hơdôm tơring čar amăng kual ngă tui akŏ bruă hơmâo: Daklak, Dak Nông, Khánh Hoà, Ninh Thuận, Bình Thuận. Akŏ bruă hơmâo pok pơhai ngă mơng anai truh thun 2026, mă mơng rơnoh prăk djru pơđĭ kyar sit nik (ODA) keh prăk wai pơgang ayuh hyiăng mơng UNDP. Akŏ bruă  amra pơgôp pơtrut pơplih amăng ngă hmua brơi hơdôm boh sang anŏ, pla pơjing ƀiă hrơi, kiăng kơ bong glăi lơ̆m không phang kơƀah ia. Abih tih rơnoh prăk tuh pơ alin lĕ rơbêh 30 klăk 200 rơbâo đôlar Mi. Akŏ bruă amra ba glăi tơlơi dưi kơ 222.400 čô mơnuih ƀon sang (biă mă ñu lĕ ƀing đah kơmơi hăng mơnuih djuai ania ƀiă) ƀơi hơdôm tơring čar Daklak, Dak Nông, Bình Thuận hăng Ninh Thuận.

Siu Đoan: Pơblang