VOV4.Jarai - Amăng mông jơnum pok pơhai bruă mă amăng hơdôm blan rơnuč thun pơphun amăng mơguah lơ 30/6 ƀơi Hà Nội, Kơ-iăng khua ding jum ngă hmua hăng pơđĭ kyar ƀon lan Phùng Đức Tiến lăi pơtŏng, bruă pơplih ngă hmua lĕ bruă kiăng pơphun na nao kiăng pơđĭ kyar amăng bruă anai hăng ngă tui “ ha amăng plĕ” tui tơlơi tơlơi git gai mơng Khua dêh čar amăng hrơi blan klin Covid-19 glăk ngă tơnap tap. 6 blan laih rơgao, hơdôm hơnong pơkă mơng gơnong bruă ngă hmua lêng kơ rơgao tơlơi pơkă: rơnoh pơđĭ kyar 3,83%; đĭ 3,71%, rơnoh sĭ mơdrô gơnam đang hmua, kyâo pơtâo, akan hơdang đĭ 28,3% hăng 24 klai 23 klăk đôlar Mi, bruă ngă hmua jing gơnong bruă phun amăng bơwih ƀong huă, biă mă ñu lĕ amăng hgrơi blan tơnap tap yua klin Covid-19. 6 blan laih rơgao gơnong bruă ngă hmua hơmâo tơlơi đing nao mơng djop anom bruă ăt kah hăng djop ƀon lan, anom bơwih ƀong sĭ mơdrô, khul anom bruă sĭ mơdrô gơnam tam đang hmua mơng anun ƀơƀrư̆ pơjing hăng ngă klă amăng bruă ngă hmua.

Siu Đoan: Pơblang