VOV4.Jarai-Jơnum bơkơtuai nao rai pơđĭ kyar kual plơi pla thun 2021 yua kơ Sang hră bruă kơđi čar dêh čar pơphun mơguah lơ 13/7. Ƀơi mông jơnum, ƀing khua mua nao jơnum bơkơtuai nao rai tơlơi pơčeh phrâo hăng hơdră pơsir phara hloh djru kơ djop tơring čar pơđĭ kyar bơwih ƀong huă mơnuih mơnam.

Anih pơtruh nao rai phun lăng amăng tivi lĕ ƀơi Hà Nội hăng hơdôm boh tơring čar, ƀôn prong. Jơnum anai pơtrut bruă pơđĭ kyar djop tơring čar, plơi pla thun 2021 hăng akŏ ñu: Ngă tui tơlơi pơtrun pơtrut pơđĭ kyar amăng rơnuk phrâo, kiăng pơčrông sai lăng tơlơi gêh găl pơđĭ kyar djop tơring čar, pơtum ngă tui anŏ pơčeh phrâo kiăng tŭ yua wai lăng hăng ngă tui jơlan hơdră phrâo amăng anih hơdip jum dar ngă tui mrô hăng pơtrut pơđĭ kyar mơtah mơda rơnuk anai, găn rơgao hĭ klin kheng Covid 19, hrưn đĭ pơ anăp.

Jơnum hơmâo 2 wơ̆t bơkơtuai amăng grup lăi nao bruă wai lăng tơhnal pơđĭ kyar rơnuk rơnua phrâo hăng hơdôm tơlơi gêh găl pơđĭ kyar mơtah mơda laih anun tơlơi găn rơgao hĭ klin Covid 19.

Nay Jek: Pơblang