VOV4.Jarai - Sang bruă pơkra vaccine Việt Nam phrâo brơi thâo, pơkă hlâo mơng blan 7 pơ̆ anăp, rim rơwang hrơi tơjuh amra hmâo 1 klăk liều vaccine AstraZeneca glăi pơ̆ Việt Nam. Anai lĕ mrô vaccine dŏng amăng tơlơi pơkôl blơi 30 klăk liều vaccine mơng sang bruă. Sang bruă pơkra vaccine Việt Nam lĕ anom blung a ba rơbêh kơ 176.000 liều vaccine pơgang Covid-19 AstraZeneca glăi pơ̆ Việt Nam mơng rơnuč blan 2. Abih bang mrô vaccine anai dưi ba nao kơ Ding jum ia jrao pioh kơ bruă pơgang klin tui hơdră gum djru. Ăt bơdjơ̆ nao truh vaccine mơn, dưi hmâo tơlơi jăo bruă mơng Kơnuk kơna, čơtlăm lơ 20/6 ƀơi tơdron rơdêh por Jar kơmar Nội Bài, Grŭp pơtom hiăp dêh čar ta, Ding jum pơtom hiăp hăng Ding jum ia jrao hmâo gum hrom laih hăng Ƀirô anih jưh pơ ala kơ dêh čar Khač ƀơi Việt Nam tŭ mă 500.000 liều vaccine Vero-Cell mơng Sinopharm./.

Siu H’ Prăk: Pô pơblang