VOV4.Jarai -  Tơdơi kơ hmư̆ hing lu anih anom phru bruă dô̆ čơlah, mơnuih ƀôn sang hơdôm bôh tơring čar glăk dô̆ mă bruă ƀơi Bình Dương hmâo ba tom gơnam pơhrôp kiăng glăi pơ̆ plơi. Khă hnun hai, khua tơring čar Bình Dương brơi thâo, ră anai ăt akă brơi mơn mơnuih ƀôn sang tui hluai pô nao rai hăng tơring čar pơkon. Bơ̆ tơlơi kiăng rô nao rai mơng mơnuih ƀôn sang, khua tơring čar Bình Dương brơi thâo, tơring čar akă brơi tơbiă mơng tơring čar hơdơ̆ hor ôh. Hăng mơnuih tha rơma, čơđai muai, ƀing đah kơmơi pikian, mơnuih tơnap tap dưi ngă gal brơi glăi plơi pla samơ̆ khom hmâo tơlơi gum hrom kơplah wah 2 tơring čar hăng tui djơ̆ tơlơi pơkă pơgang, pơgăn klin Covid-19. Bơ̆ bruă nao rai amăng kual ƀu hmâo klin ngă, kơnong kơ hơdôm mơnuih dưi tlâ̆o pơgang klin ƀiă biă mă ñu 1 ară vaccine tơdơi kơ 14 hrơi, F0 suaih ruă abih hrơi dô̆ čơlah ƀơi sang dưi tơbiă ƀơi jơlan; hơdư̆ ƀiă mơnuih tha rơma, mơnuih hmâo tơlơi ruă amăng drơi jăn hăng čơđai muai nao rai. Hăng mơnuih mă bruă khom hmâo hră pơsit mă bruă./.

Siu H’ Prăk: Pô pơblang