VOV4.Jarai - Mơguah lơ 23/5, mut hrom đơ đam dêh čar rơbêh kơ 427.000 čô mơnuih bôn sang mơng tơring čar Daknông ƀơi 680 bôh kual plĕ hră hmâo pơphun ruah khua pơ ala mơnuih ƀôn sang dêh čar ta tal 15 hăng khua pơ ala Khul pơ ala mơnuih ƀôn sang hơdôm gưl, rơwang bruă 2021-2026.

Neh wa ngă tui djơ̆ dô̆ čơlah lom nao ruah khua ƀơi Daknông

Amăng tơlơi mơ-ak mơng hrơi jơnum djuai ania, ƀơi kual plĕ hră mrô 4, Ƀon N’Jriêng, ƀon Bu Sop, să Dak Nia, plơi prong GIa Nghĩa, rơbêh kơ 900 čô mơnuih ƀuh ƀô̆ mơng mơguah kiăng pơhmư̆ mông pok phun ngă lơphet hăng ngă tui tơlơi dưi pô. Mơnuih ƀôn lan K’Bơn, ƀơi ƀôn Dinh, să Dak Nia, plơi prong Gia Nghĩa lăi:

 “Mơguah anai 6 mông ha mơkrah lĕ neh wa hmâo nao gum hrom ruah khua. Neh wa ăt ngă tui mơn gôm adung mơbah, pơdjai kơman, dô̆ ataih nao rai rim mơnuih ataih nao rai 2 met tui tơlơi črâo ba mơng Ding jum ia jrao. Sang anô̆ kâo ngă tui tơpă biă hrơi mông pơkă hăng ruah djơ̆ mơnuih hmâo bôh thâo, pran jua klă, hmâo arăng đăo gơnang”./.

Siu H’ Prăk: Pô pơblang