VOV4.Jarai-Lơ 5/10, Grup khua mua pơ ala mơnuih ƀôn sang dêh čar tơring čar Gia Lai hơmâo bưp mơnuih ƀôn sang ruah khua ƀơi 4 boh să kual guai dêh čar kah hăng: Ia Mơr, Ia Ga, Ia Piơr hăng Ia Lâu, tơring glông Čư̆ Prong, lăi pơthâo tơlơi pơhing amra jơnum lok 2, khua mua pơ ala mơnuih ƀôn sang dêh čar tal XV laih anun čih pioh tơlơi pơgôp hiăp mơ̆ng mơnuih ƀôn sang ruah khua.

Grup khua mua pơ ala mơ̆ng Gia Lai nao bưp mơnuih ƀôn sang ruah khua ƀơi

 tơring glông Čư̆ Prong

Ƀơi mông bưp, mơnuih ƀôn sang lăi pơthâo tơlơi rơkâo kơ hơdôm boh yôm phun tui anai: Anih gru grua hơkrŭ Plei Ame dưi tŭ yap anih gru grua dêh čar samơ̆ aka ƀu tuh pơ alin man pơkra jơlan glông nao rai pioh kơ tuai nao čuă, ĕp lăng djơ̆ hơdră ôh, bruă pơsir lŏn dŏ, lŏn ngă hmua kơ mơnuih ƀôn sang djuai ƀiă.

Mơnuih ruah khua ƀơi Gia Lai ăt rơkâo djop anom bruă kơnuk kơna pơsir bruă pơkra pil pơ-iă yang hrơi pioh pơkĕ apui lơtrik dưm ƀơi bơbung sang lu đơi, bruă wai lăng kơčăo bruă pơđĭ kyar čem rông  hlô mơnong, hơdôm tơlơi aka ƀu găl amăng bruă hrăm hră mơ̆ng ataih lăng amăng tivi ƀudah internet….

Biă mă ñu, lu mơnuih ƀôn sang ruah khua lăi pơthâo tơlơi pơhing kơ bruă pơhlôm, pơgang klin Covid 19, ngă hiư̆m pă pơsir bruă mă kơ hơdôm mơnuih glăi mơ̆ng kual hơmâo klin.

Nay Jek: Pơblang