VOV4.Jarai - Mơng rơnuč blan 8 truh ră anai, tơring čar Dak Nông brơi ƀing čơđai nao hrăm tơl sang hră laih. Samơ̆ ăt ngă kjăp amăng bruă pơgang klin Covid-19, gơnong bruă pơtô pơjuăt hơmâo hơdeč hmar hluai tui tơlơi sit nik kiăng kơ pơphun pơtô hrăm. Gơnong bruă pơtô pơjuăt Dak Nông brơi thâo, mơng rơnuč blan 8/2021, hluai tui tơlơi sit nik ƀơi rĭm boh ƀon lan mơ̆ tơring čar amra pơphun bruă pơtô hrăm kiăng pơhlôm rơnuk rơnua.

Anai lĕ bruă pơphun hrăm pơ sang hră ƀudah hrăm lăng nao rai mơng ataih, pơčlah čơđai nao sang hră hăng mrô 50-50, ƀudah pơpha hrăm mơng hrơi sa-tlâo-rơma, dua-pă-năm amăng ha wŏt hrơi tơjuh. Kơnong hơdôm kual glăk pơčlah kah mơng hrăm lăng nao rai mơng ataih. Lơ̆m pơphun hrăm mơng ataih, Dak Nông hơmâo pơčrang lăng ƀơi hơdôm sang hră hơmâo čơđai mơng lu kual. Yua kơ ngă tui tơlơi anai mơ̆ Hrơi pơphun mut sang hră lơ 5/9, tơring čar dưi ƀuh tañ ƀing čơđai ƀă klin Covid-19, hăng kiăo tui ĕp mơnuih jê̆ giăm kiăng kơ pơgang hĭ. Ră anai, kiăng hơdeč hmar hluai tui tơlơi sit nik pơgang kjăp klin Covid-19”. Dak Nông hơmâo pơtrut tañ bruă tlâ̆o vaccine, pơtrut pơtô pơblang kiăng mơnuih ƀon sang kơđiăng amăng bruă pơgang klin.

Siu Đoan: Pơblang