VOV4.Jarai - Bruă “Gum hrom djru drah Việt” thun 2021 dưi hmâo Grŭp črâo ba pơsur brơi drah gum djru tơring čar Kontum pơphun amăng 2 hrơi lơ 15 hăng 16/7 ƀơi plơi prong Kontum hăng anăn iâu “Hrơi jơnum brơi drah Kontum”.

Lăi pơthâo, pel ĕp tơlơi suaih pral kơ mơnuih brơi drah gum djru

Hrơi jơnum pơhrua nao kơ Sang ia jrao prong tơring čar 300 anung drah pioh djru pơjrao kơ mơnuih ruă kiăng drah. Bôh nik brơi ƀuh amăng hơdôm hrơi klin Covid-19 ngă tơnap mơtăm hmâo “Ngă bruă djru drah Việt” hăng bruă brơi drah gum djru ăt glăk lar hyu kơtang mơn ƀơi tơring čar Kontum.

Ayong Phạm Ngọc Quang tal 11 brơi drah gum djru

Bruă pơgang klin dưi ngă tui tơpă hăng tơlơi pơkă 5 mơta pơgang klin pơhlôm abih bang kơ mơnuih brơi drah hăng hơdôm mơnuih mă bruă ia jrao. Thun anai bruă “Ngă bruă brơi drah Việt” dưi hmâo Grŭp črâo ba pơsur brơi drah gum djru tơring čar Kontum pơphun ƀơi 3 anih anom, anun lĕ: tơring glông Sa Thầy, plơi prong Kontum hăng tơring glông Ngọc Hồi hăng anăn iâu Hrơi jơnum ngui brơi drah Kontum./.

Siu H’ Prăk: Pô pơblang