VOV4.Jarai - Ngă lơphet hơ-ŭ kơ mơnuih ƀon sang, ƀing apăn bruă kơnuk kơna, ling tơhan djai yua klin Covid-19 ngă amra pơphun lơ̆m 8 mông mơmot lơ 19/11 ƀơi 2 anih phun anun lĕ Đang bơnga Thống Nhất (Hà Nội) hăng Sang jơnum Thống Nhất (ƀon prong Hồ Chí Minh). Ƀơi Đang bơnga Thống Nhất (Hà Nội) amra hơmâo 300 čô khua mua, bơ ƀơi Sang jơnum Thống Nhất (ƀon prong Hồ Chí Minh) amra hơmâo 1.000 čô khua mua nao pơhmư̆. Rơngiao kơ anun, plơi prong Thủ Đức hăng hơdôm boh kuâ̆n, tơring glông ăt pơphun mơn, krăp lăng amăng tivi mông ngă lơphet ƀơi Sang jơnum Thống Nhất. Rim anih anai hơmâo năng ai 100 čô khua mua nao pơhmư̆. Tơlơi hơmâo lăi nao phun ƀơi Sang jơnum Thống Nhất lĕ: pơdah glăi rup, tơlơi ră ruai; tơlơi pơhiăp mơng Khua Jơnum min djŏp djuai ania mơnuih mơnam Việt Nam. Tơdơi kơ anun, krĕp 8h30 mơnit amra pơphun ngă lơphet hơ-ŭ kơ mơnuih ƀon sang, kan ƀô̆, ling tơhan djai amăng hrơi hơmâo klin Covid-19.

Siu H’Mai: Pơblang