VOV4.Jarai-Ding jum Bruă mă Tơhan rơka hăng Mơnuih mơnam lăi pơthâo hră pơsit mơ̆ng Khua dêh čar kơ bruă ngă tui hơdôm mơta jơlan hơdră djru mơnuih mă bruă hăng mơnuih apah arăng mă bruă bưp tơlơi tơnap tap yua klin prong Covid 19 ngă.

Hlâo kơ anun, lơ 1/7, Kơnuk kơna ngă hră pơtrun mrô 68/NQ-CP kơ hơdôm jơlan hơdră djru mơnuih mă bruă apah hăng mơnuih apah arăng mă bruă. Khua ding jum Bruă mă Tơhan rơka hăng Mơnuih mơnam, ơi Đào Ngọc Dung brơi thâo, rơnoh prăk djru tui hră pơtrun mrô 68/NQ-CP truh kơ 26 rơbâo klai prăk, djru kơ dua djuai mơnuih anun lĕ ƀing mă bruă apah hăng mơnuih apan arăng mă bruă bơbeč yua kơ klin Covid 19 ngă.

Nay Jek: Pơblang