VOV4.Jarai - Lơ 24/6, ƀơi Ƀirô Kơnuk kơna, Kơ-iăng khua dêh čar ta ơi Trương Hoà Bình, Khua Khul git gai dêh čar kơ jơnum hơdră tui hơnong pơkă dêh čar amăng pơđĭ kyar bơwih ƀong huă - mơnuih mơnam ƀơi kual mơnuih djuai ania ƀiă hăng kual ataih, asuek rơwang thun 2021-2030, git gai jơnum Khul git gai. Pơđut mông mă bruă, Kơ-iăng khua dêh čar ta ơi Trương Hoà Bình lăi pơtong kiăng tŏ tui gơgrong mă pô hrưn đĭ mơng mơnuih djuai ania ƀiă, pơtrut pran pơplông amăng abih bang mơnuih.

Djop gơnong bruă, anom bruă kiăng ngă tui khut khăt jơlan hơdră anai brơi ba glăi tŭ yua, mơng anun tơlơi hơdip kơ mơnuih djuai ania ƀiă hăng mơnuih hơdip kual ataih, asuek jai hrơi jơnap tui. Tui Kơ-iăng khua dêh čar ta ơi Trương Hoà Bình amăng hrơi blan klin Covid-19 glăk bơbeč nao djop mơta bruă amăng bơwih ƀong huă - mơnuih mơnam, jơlan hơdră anai lăng yôm biă mă, pơgôp pơtrut sĭ mơdrô hăng blơi gơnam tam, ĕp brơi bruă mă, pơđĭ kyar bơwih ƀong sĭ mơdrô rah, hăng ba glăi tơlơi yôm djru brơi tơlơi hơdip kơ mơnuih mơnam, biă mă ñu lĕ hăng ƀing mơnuih drơi jăn ƀu klă, sang anŏ ƀun rin, sang anŏ tơnap tap ƀơi kual ataih, asuek.

Siu Đoan: Pơblang