VOV4.Jarai - Mơguah lơ 10/8, ƀơi anom bruă pôr pơhing dêh čar, 58 Quán Sứ, Hà Nội, Gong phun jua pơhiăp dêh čar Việt Nam pơphun Jơnum lăi pơthâo tơlơi pơsit ruah ơi Đỗ Tiến Sỹ, Ding kơna Khul apăn bruă Ping gah dêh čar, Khua Gong phun jua pơhiăp dêh čar Việt Nam mut amăng Khul apăn bruă Ping gah hăng ngă Khua git gai Khul apăn bruă Ping gah Gong phun jua pơhiăp dêh čar Việt Nam rơwang thun 2020-2025.

Ơi Huỳnh Tấn Việt jao hră pơsit hăng bơnga pơpŭ kơ ơi Đỗ Tiến Sỹ

Lơ̆m jao tơlơi pơsit kơ ơi Đỗ Tiến Sỹ, ơi Huỳnh Tấn Việt, Khua git gai Khul apăn bruă Ping gah Khul hơdôm anom bruă gơnong glông pơpŭ kơ ơi Đỗ Tiến Sỹ Khua Gong phun jua pơhiăp dêh čar Việt Nam lơ̆m ruah ngă Khua git gai Khul apăn bruă Ping gah Gong phun jua pơhiăp dêh čar Việt Nam rơwang thun 2020-2025, laih dong pơdah pran đăo gơnang ơi Đỗ Tiến Sỹ amra hrŏm hăng Khul apăn bruă Ping gah mơng Gong phun jua pơhiăp dêh čar Việt Nam amra pơjing, pơđĭ kyar hơđong kjăp, mut hrŏm kiăng kơ djơ̆ hăng tơlơi rơkâo jai hrơi prong mơng anom bruă pôr pơhing amăng rơnuk phrâo anai.

Siu Đoan: Pơblang