VOV4.Jarai - Amăng lơ 16/6, tŭ mă mrô prăk djru 10 klai mơng Kông ti TNHH Hyosung Việt Nam hăng Ding jum Man pơkra hơmâo 1 klai prăk, Khua apăn bruă Ping gah, Khua Jơnum min wai lăng djŏp djuai ania mơnuih mơnam Việt Nam Đỗ Văn Chiến brơi thâo: Truh ră anai, mrô prăk djru blơi vaccine mơng hơdôm anom bruă, khul grup, anom bơwih ƀong, ƀing thâo pap djru hơmâo rơbêh 5 rơbâo klai prăk laih. Anai lĕ tơlơi gum pơgôp prong biă mơng abih bang mơnuih hăng klin anai. Pơ ala kơ Khua mua Jơnum min djŏp djuai ania mơnuih mơnam Việt Nam, ơi Đỗ Văn Chiến bơni kơ abih bang khua, mơnuih ngă bruă, biă ñu lĕ tơlơi gum djru mơng anom bơwih ƀong dêh čar tač rơngiao hlăk pơdong ƀơi Việt Nam. Kiăng dưi tlâ̆o vaccine brơi rơbêh 70% mrô mơnuih amăng dêh čar thun 2021, kiăng blơi 150 klăk liêu vaccine pơgang Covid-19 hăng mrô prăk kiăng hơmâo lĕ 25 rơbâo klai 200 klăk prăk.

Siu H’Mai: Pơblang