VOV4.Jarai - Mơguah tom brơi lơ 1/7, ƀơi plơi prong Kon Tum, Jơnum min pơ ala mơnuih ƀon sang tơring čar Kon Tum pơphun jơnum lok 1, rơwang bruă 2021-2026. Ƀơi mông jơnum blung a mơng rơwang bruă phrâo, Jơnum min pơ ala mơnuih ƀon sang tơring čar Kon Tum pơphun ruah khua mua pơprong amăng Jơnum min pơ ala mơnuih ƀon sang tơring čar taol 12. Tŏng ten ñu, ơi Dương Văn Trang, Ding kơna apăn bruă Ping gah, Khua git gai Ping gah tơring čar, ding kơna Jơnum min pơ ala mơnuih ƀon sang tơring čar hơmâo ruah ngă Khua Jơnum min pơ ala mơnuih ƀon sang tơring čar Kon Tum tal 12, rơwang bruă 2021-2026 hơmâo abih bang ƀing khua tŭ ư ruah. Ơi Dương Văn Trang, tơkeng lơ 20/12/1961. Plơi ñu pơ să Đức Lợi, tơring glông Mộ Đức, tơring čar Quảng Ngãi. Tơlơi hrăm: Cử nhân Quân sự. Lý luận chính trị: Cao cấp. Tal jơnum anai hơmâo ruah ơi Nguyễn Thế Hải hăng yă Nghe Minh Hồng, Kơ-iăng khua hơđăp Jơnum min pơ ala mơnuih ƀon sang tơring čar Kon Tum tal 11 ngă glăi Kơ-iăng khua Jơnum min pơ ala mơnuih ƀon sang tơring čar Kon Tum tal 12.

Siu H’Mai: Pơblang