VOV4.Jarai -  Mơguah lơ 8/9, ƀơi Ƀirô mă bruă Ping gah dêh čar ta, ơi Võ Văn Thưởng, Khua Grŭp črâo bruă wai lăng mơnuih mă bruă kơnuk kơna tui hră pơsit djơ̆ tơlơi phiăn hmâo git gai Jơnum tal sa mơng Grŭp črâo bruă. Amăng mông jơnum, Grŭp črâo ba hmâo gum pơhiăp amăng hơdôm hră pơ-ar čih pơkra: Lăi pơthâo glăi bôh tơhnal bruă mă hăng jơlan gah, bruă mă rơwang bruă mơng thun 2021-2026; Kơčăo bruă hyu mă bruă, Pơkă bruă mă mơng Grŭp črâo ba rơwang bruă 2021-2026; Pơkă kơ wai lăng mơnuih mă bruă kơnuk kơnta tui tơlơi phiăn pơkă pơlir hơbit mơng glông bruă kơđi čar; Kơčăo bruă pel ĕp ngă tui wai lăng hră pơsit hăng anih mă bruă mơng thun 2021-2026 hăng ba tơbiă mơnuih pơsit mă bruă hăng anih mă bruă mơng thun 2021-2026; Lăi pơthâo glăi bôh tơhnal Akô̆ bruă anih mă bruă... Tui hăng hră čih lăi pơthâo glăi, yap truh lơ 31/9/2019, đơ đam dêh čar ta hmâo ngă giong hloh kơ tơhnal pơkă pơhrŏ trun mơnuih mă bruă tui phiăn pơsit hmâo ba tơbiă; abih bang mrô mơnuih mă bruă tui phiăn pơkă čơkă ƀong prăk blan hăng prăk djru mơng ngăn drăp kơnuk kơna hrŏ trun 541.890 čô mơnuih (14,93%) bơhmu hăng lom lơ 30/4/2015./.

Siu H’ Prăk: Pô pơblang