VOV4.Jarai-Tlam lơ 29/6, ƀơi sang bruă ping gah dêh čar, Grup khua mua ping gah dêh čar ta hơmâo ơi Võ Văn Thưởng, Khua gum bruă git gai ping gah dêh čar ba jơlan hlâo, nao jơnum pơčrông hrom ƀơi kơƀang wil hăng hơdôm ping gah phun Nga-ASEAN. Jơnum anai pơphun yua hơmâo tơlơi rơkâo mơ̆ng Ping gah dêh čar Nga lơ̆m thun 2021 hơdor glăi 30 thun ngă giăng mah Nga hăng ASEAN, 25 thun ngă bruă tong ten hloh giăng mah Nga-ASEAN. Ƀơi mông jơnum, khua mua hơdôm ping gah bơlăi pơthâo tơlơi kiăng ngă kjăp tui pơgang rơnuk rơnua hăng ngă hrom amăng kual ASIA-Thái Bình Dương, tŭ ư hrom pơtrut amăng bruă pơgang anih hơdip jum dar hăng pơđĭ kyar hơđong kjăp, pơgang hơđong tơlơi pơhing jar kmar, pơhlôm djop mơnong ƀong huă.

Hơdôm bơnah ăt tŭ ư nao rai kiăng kơtưn hloh ngă hrom hơdôm ping gah jar kmar kiăng ngă kjăp bruă kơđi čar. Bơwih ƀong huă mơnuih mơnam kơplah wah Nga hăng ASEAN; dong yua pơtrut bruă ngă găn rơgao tơlơi lông lăng ƀơi rŏng lŏn tơnah hăng pơsir kơđi amăng kual.

Nay Jek: Pơblang