VOV4.Jarai -  Hăng anăn ñu “Phun than – Gơgrong – Djơ̆ tơlơi pơkă – Ngă gru – Pơčeh phrâo”, mông ngă lơphet Pok phun thun hrăm 2021-2022 mơng Sang hră pơtô bruă kơđi čar Hồ Chí Minh hmâo pơphun tui hơdră lăng nao rai mơng ataih amăng mơguah lơ 9/9, pơ̆ Hà Nội. Pơhiăp hăng mơnuih apăn bruă, mơnuih pơtô bruă, mơnuih hrăm bruă mơng sang hră, ơi Võ Văn Thưởng, Ding kơna Ding jum kơđi čar, Apăn bruă Grŭp git gai Ping gah rơkâo khom kơdŏng tơlơi pơmin hrăm kiăng hmâo mă ƀăng đô̆č, kiăng kơ djop tơlơi pơkă pioh ba tơbiă, pơđĭ prăk blan, dưi dăp amăng glông jơlan đĭ ngă khua. Thun hrăm 2021-2022 Sang hră pơtô bruă kơđi čar đing nao pơphun bruă pơtô pơhrăm, pơhrăm brơi dong tui hơdră lăng nao rai mơng ataih. Đing nao hơdôm jơlan hơdră, hră pơtô gưl dlông, trung cấp pơblang bruă kơđi čar, hơdôm jơlan hơdră, hră pơ-ar hrăm hơdôm anih pơtô brơi dong ƀing apăn bruă... Hrom hăng anun, pơtrut tañ rơnoh pơdŏng hăng pok pơhai ngă tui ba glăi bôh tơhnal hơdôm akô̆ bruă pơtô pơhrăm mơnuih pơblang bruă kơđi čar, kiăng gơgrong hlâo pơjing nai pơtô thâo kơjăp hloh./.

Siu H’ Prăk: Pô pơblang