VOV4.Jarai-Tlam mơmŏt lơ 8/6, ƀơi sang bruă khua pơ ala mơnuih ƀôn sang dêh čar, ơi Vương Đình Huệ, Khua git gai pơ ala mơnuih ƀôn sang dêh čar ta pơhiăp telephôn bơkơtuai hăng Khua Khul git gai lŏn ia Nga yă Valentina Matvienko.

Ơi Vương Đình Huệ hăng yă Valentina Matvienko lêng kơ lăi, thun blan rơgao, tơlơi ngă pŭ ƀăn giăng mah bruă kơđi čar, gơyut dua bơnah lŏn ia ăt kjăp na nao hăng pơđĭ kyar hiam  klă amăng djop jơlan hơdră, Ping gah, kơnuk kơna ăt kah hăng djop tơring čar ƀôn prong hăng djop sang bruă sĭ mơdrô laih anun mơnuih ƀôn sang dua bơnah.

Dua čô khua ăt lăi pơtong,  mah amăng hrơi blan klin kheng Covid 19 ngă tơnap tap hai, samơ̆ bruă ngă hrom bơwih ƀong huă, sĭ mơdrô, tuh pơ alin nao rai kơplah wah Nga-Việt Nam hơmâo lu tơlơi bơblih klă. Ƀrô djơ̆ tal anai, Khua git gai pơ ala mơnuih ƀôn sang dêh čar ơi Vương Đình Huệ bơni kơ dêh čar Nga hơmâo djru kơ 1000 liêu ia jrao vaccine Sputnik V akŏ thun anai hăng amra djru dơ̆ng kơ Việt Nam 20 klăk liêu vaccine Soutnik V; lăi pơtong Việt Nam kiăng biă mă ngă hrom dêh čar Nga amăng bruă djru pơtô ba pơkra ming ia jrao vaccine pơgang Covid 19 ƀơi Việt Nam.

Nay Jek: Pơblang