VOV4.Jarai - Tlam tom brơi (20/7), Ƀirô Khua pơ ala mơnuih ƀon sang dêh čar  hơmâo pơgiong bruă ruah Khua git gai pơ ala mơnuih ƀon sang dêh čar tal XV. Tui anun, hơmâo 474/474 čô khua mua dong yua hluai tui tơlơi pơsit ruah Khua git gai pơ ala mơnuih ƀon sang dêh čar. Yua anun, Khua git gai pơ ala mơnuih ƀon sang dêh čar ơi Vương Đình Huệ tŏ tui djop tơlơi dong yua ngă Khua git gai pơ ala mơnuih ƀon sang dêh čar tal XV hăng abih bang mrô hră plĕ.

Ơi Vương Đình Huệ, arăng dong yua ngă Khua git gai pơ ala mơnuih ƀon sang dêh čar dong

Lơ̆m ngă Khua git gai pơ ala mơnuih ƀon sang dêh čar, ơi Vương Đình Huệ ƀuăn amra abih pran, hrŏm hăng Ƀirô Khua pơ ala mơnuih ƀon sang dêh čar, ƀing khua apăn bruă, djop anom bruă amăng Ƀirô Khua pơ ala mơnuih ƀon sang dêh čar  laih dong ƀing khua pơ ala mơnuih ƀon sang, tŏ tui hăng ngă klă dong gru grua hiam klă hăng pơphun tŭ yua bruă mă yua kơ tơlơi dưi kơ lŏn ia, djuai ania, yua kơ tơlơi hơdip yâo mơ-ak kơ mơnuih ƀon sang. Tui jơlan hơdră tal blung a, Khua pơ ala mơnuih ƀon sang dêh čar tal XV, lơ 21/7 Khua pơ ala mơnuih ƀon sang dêh čar  mă bruă ƀơi sang jơnum pơčrông sai, sem lăng hơdom tơlơi pơsit ruah khua mua amăng Jơnum min apăn bruă Khua pơ ala mơnuih ƀon sang dêh čar.

Siu Đoan: Pơblang