VOV4.Jarai - Tlam lơ 23/9, ƀơi Anom bruă khua ding jum pơtom hiăp, Kơ-iăng Khua ding jum pơtom hiăp ơi Phạm Quang Hiệu nao lăng mông tŭ mă prăk djru 300.000 đôlar Mi yua kơ Khua anih jưh pơ ala mơnuih ƀon sang dêh čar Oman ƀơi Hà Nội, pơ ala brơi Kơnuk kơna hăng mơnuih ƀon sang Oman, jao prăk kơ Jơnum min djop djuai ania mơnuih mơnam Việt Nam kiăng kơ djru brơi mơnuih ƀon sang hơdôm tơring čar kual Tong krah ƀơi dêh čar Việt Nam ia lip amăng hơdôm hrơi laih rơgao. Đĭ pơhiăp amăng mông ngă lơphet, Khua pơ ala brơi Jơnum min djop djuai ania mơnuih mơnam Việt Nampơpŭ bơni Kơnuk kơna hăng mơnih ƀon sang dêh čar Oman, ñu brơi thâo amra tañ ba nao prăk djru tơl hơdôm plơi pla kiăng kơ djru man pơkra sang brơi hơdôm sang anŏ răm rai yua ia ling dăo kiăng kơ tañ hơđong glăi tơlơi hơdip kơ neh met wa ƀơi anai.

Siu Đoan: Pơblang