VOV4.Jarai-Tơring čar Dak Lak hơmâo pơphun mă yua sang ia jrao tơhan pơdong jăng jai mrô 1 bơwih brơi bruă pơjrao mơnuih duăm ruă ƀă klin Covid 19 ƀing djong ƀiă. Sang ia jrao tơhan pơdong jăng jai anai mă yua gơnam sang dŏ mơ̆ng 3 boh ruăi sang amăng sang hră hrăm bruă ngă nai pơtô tơring čar Dak Lak, abih bang hơmâo 180 boh anih dŏ hăng 1000 boh sưng đih pơjrao.

Sang ia jrao tơhan jăng jai mrô 1 mă yua klâo ruăi sang dlông tal anih dŏ ƀơi sang hră hrăm bruă ngă nai pơtô tơring čar Dak Lak

Ơi ia jrao Nguyễn Ngọc Thịnh, Khua sang ia jrao tơhan pơdong jăng jai mrô 1, brơi thâo, kiăng kơ sang ia jrao anai dưi mă bruă tañ khom hơmâo tơlơi djru prong mơ̆ng sang bruă apui lơtrik tơring čar Dak Lak:

“Tŭ mă anih dŏ mơ̆ng sang hră anai gơmơi khom ĕp glăi apui lơtrik, đing ia răm hiư̆m pă laih anun pơkra ming glăi lu biă mă. Ƀing gơmơi hơmâo ngă hrom kông ty apui lơtrik Dak Lak brơi mơnuih djru mă bruă pơkra ming; laih anun pơkra bơblih măi ngă tơdu čơtăng apui lơtrik kiăng dưi djop rơnoh apui lơtrik či pơkĕ yua.

Dua lĕ kông ty ăt brơi gơmơi mă yua ding dăng 1 boh măi pơkĕ apui lơtrik pơhlôm hlâo hŭi kơ thăm apui lơtrik ječ ameč thơ, mă măi anun pơkă yua apui lơtrik, kiăng hơmâo apui pơjrao mơnuih duăm ruă amăng mông ječ ameč”.

Nay Jek: Pơblang