VOV4.Jarai -  Gum tơngan hrom klă bruă pơgang pơgăn klin ruă hăng djru gum hơdôm tơlơi tơnap hăng mơnuih ƀôn sang, hơdôm hrơi rơgao, Sang bruă apui lơtrik Daknông hmâo ngă tui laih bruă hrŏ trun nua prăk apui, hrŏ trun prăk apui kơ hơdôm mơnuih bơdjơ̆ nao Covid-19 hăng abih bang mrô prăk giăm truh 1 klai 400 klăk prăk.

PC Daknông ƀơk braih kơ neh wa Dak Song

Hlăk ai gơnong bruă apui ƀơk gơnam kơ anih gak pơgang, pơgăn klin ruă

Sang bruă ăt hmâo pok pơhai mơn lu bruă mă anăp nao plơi pla, kah hăng: gum hơgôp hrom prăk djru Keh prăk vaccine 200 klăk prăk; ƀơk brơi gơnam mă yua hăng măi mok kơ sang ia jrao, hơdôm anih anom dô̆ gak wai lăng klin ruă; khoer ia bơmun kơ Sang bruă gưl sa Nguyễn Bá Ngọc... Dưi thâo abih bang mrô prăk mơ̆ PC Daknông pơphun hơdôm bruă hơđong tơlơi hơdip mơnuih mơnam, djru mơnuih ƀôn sang amăng hơdôm hrơi rơgao lĕ rơbêh kơ 500 klăk prăk./.

Siu H’ Prăk: Pô pơblang