VOV4.Jarai-Tom brơi, lơ 25/5, Jơnum jar kmar hơdôm ping gah kual ASIA iâu klah čun ICAPP, hơmâo jơnum mơ̆ng ataih lăng nao rai amăng tivi tal 2 pơčrông sai kơ tơlơi klin kheng Covid 19, hơmâo khua mua mơ̆ng 24 ping gah rai mơ̆ng 18 boh dêh čar kual ASIA, ƀing pơ ala mơ̆ng Jơnum min phun djop ping gah Mỹ La tinh hăng Caribbean hăng hơdôm khul anom bruă jar kmar.

Ƀing khua mua nao jơnum tŭ ư hrom, abih bang mơnuih ƀôn sang amăng djop dêh čar, ƀu kah pơpha pơdrong asah hăng ƀun rin ôh, lêng kơ dưi bơkơnar soh amăng bruă pơhlôm pơgang klin Covid 19 kah hăng dưi tŭ mă ia jrao vaccine hrom hăng hơdră pơjrao duăm ruă. Ơi Nguyễn Mạnh Cường, ding kơna ping gah dêh čar, Kơ-iăng khua anom bruă pơtom hiăp ping gah dêh čar, ding kơna Jơnum min ala phun ICAPP, ngă khua khul mơ̆ng Việt Nam, nao jơnum hrom, pơgôp hiăp amăng mông jơnum.

Ơi Nguyễn Mạnh Cường hơmâo kah pơpha tơlơi thâo thăi amăng bruă pơhlôm pơgang klin Covid 19 mơ̆ng Việt Nam thun blan rơgao, laih dơ̆ng lăi pơtong tơlơi ƀuăn mơ̆ng ping gah Cộng sản Việt Nam kơ bruă ngă hrom hăng jar kmar pơhlôm pơgang klin Covid 19.

Nay Jek: Pơblang