VOV4.Jarai - Khua ding jum pơtô hăng pơjuăt Nguyễn Kim Sơn hăng Khua ding jum, Khua Jơnum min wai lăng djŏp djuai ania Hầu A Lềnh phrâo nao čuă hăng ngă bruă tom Sang hră Dự bị Đại học Dân tộc Trung ương, Sang hră gưl 3 Chuyên Hùng Vương tơring čar Phú Thọ hăng sang hră Việt Bắc, tơring čar Thái Nguyên. Ƀơi mông ngă bruă, 2 čô Khua ding jum lăi nao tơlơi gum djru mơng Ping gah hăng Kơnuk kơna kơ tơlơi dưm kơnar gah bruă dưi hrăm hră. Hơbô̆ bruă mơng hơdôm boh sang hră čem rông mơnuih ƀon sang djuai ƀiă, sang hră dự bị đại học hơmâo akŏ pơdong lĕ kiăng ngă hăng pơtrut tui anŏ tŭ yua mơng hơdră djru mơn. Bơni tơlơi gum pơgôp klă mơng hơdôm boh sang hră čem rông ană bă mơnuih djuai ƀiă, dự bị đại học dân tộc hăng bruă pơtô hrăm lăi hơjăn hăng tơlơi gum pơgôp amăng bruă pơđĭ kyar mơnuih mă bruă, bơwih ƀong huă mơng djuai ania ƀiă lăi hrŏm, ƀing khua ding jum lăi kiăng pok prong hơbô̆ bruă, pơđĭ tui tơlơi gơgrong bruă mơng hơdôm boh sang hră kiăng hơmâo tơlơi kơsem min, jŭ yap tŏng ten hloh.

Siu H’Mai: Pơblang