VOV4.Jarai - Tơdơi kơ 21 hrơi đih pơjrao ƀơi Sang ia jrao Lao hăng Ruă kơsô̆ Dăk Lăk hăng 3 wơ̆t pơčrang huăi ƀuh kman Sars-CoV-2, mơguah lơ 22/6, pô ƀă klin covid-19 mrô 7186 glăi mơng sang ia jrao laih. Pô ƀă kman Covid-19 mrô 7186 dŏ ƀơi să Čư̆ Mốt, tơring glông Ea Hleo, tơring čar Dăk Lăk. Pô anai hơmâo ƀuh kman Sars-CoV-2 amăng lơ 30/5. Anai lĕ mơnuih ƀă mơng anih hơmâo klin mơng grup đăo Phục Hưng ƀơi ƀon prong Hồ Chí Minh.

Bơdjơ̆ nao pô ruă anai, Jơnum min mơnuih ƀon sang tơring glông Ea H’leo guang dar 3 boh plơi hăng 9 anih hăng rơbêh 2.500 čô mơnuih ƀon sang. Brơi pơčlah mơnuih mơnam tui tơlơi pơtrun mrô 15 mơng Khua dêh čar hăng tơring kual Ea Drăng, să Ea Wy, să Čư̆ Mốt hăng 36.000 čô mơnuih. Tơdơi kơ tơbiă mơng sang ia jrao, pô anai hơmâo ba glăi pơ plơi ñu krăp lăng pơ sang tui hăng tơlơi pơtrun mơng Ding jum ia jrao.

Siu H’Mai: Pơblang