VOV4.Jarai - Apui lơtrik pơđuăi hăng angĭn amăng kual ia rơsĭ amra anih pơkra rai apui lơtrik yôm phun amăng dêh čar ta hăng bruă pơđĭ kyar tañ apui lơtrik pơđuăi hăng angĭn lĕ kiăng hloh ră anai mơng anun plai ƀiă tơnap tap amăng mă yua apui lơtrik ƀơi Việt Nam - Anai lĕ tơlơi pơsit tong mơng khua mua nao Jơnum “Pơđĭ kyar apui lơtrik pơđuăi hăng angĭn amăng kual ia rơsĭ yua kơ pơgi kơdih hơmâo apui lơtrik hơdjă yua ƀơi dêh čar Việt Nam” yua kơ Khul bơwih ƀong huă dêh čar hăng Khul apui lơtrik pơđuăi hăng angĭn rŏng lŏn tơnah pơphun amăng tlam lơ 16/12, ƀơi Hà Nội. Jơnum anai yôm phăn biă mă amăng hrơi blan Việt Nam glăk pok pơhai ngă tui hơdôm hơdră bruă kiăng pơđĭ kyar apui lơtrik lăi hrŏm hăng apui lơtrik pơđuăi hăng angĭn amăng kual ia rơsĭ hnun mơn. Amăng giăm 20 thun laih rơgao, rơnoh pơđĭ kyar mơng apui lơtrik ƀơi Việt Nam mơng 10-12% amăng sa thun, giăm 1,5 truh pơ 2 wŏt pơhmu hăng rơnoh pơđĭ kyar GDP amăng dêh čar ta.

Siu Đoan: Pơblang