VOV4.Jarai - Tui hăng tơlơi pơkă sang anŏ rin amăng rơwang thun 2021-2025 ƀơi Tơlơi pơsit mrô 7 mơng Kơnuk kơna, rơnoh pơkă sang anŏ rin amăng plơi pla mơng 700.000 prăk đĭ truh 1.500.000 prăk/blan, tui anun, rơnoh prăk Kơnuk kơna djru nôp prăk pơhlôm nua mơnuih mơnam mă pô hăng rơnoh prăk pơhlôm nua mơnuih mơnam đoi đŏm kiăng hơmâo amăng thun 2022 ăt đĭ tui mơn. Tui hăng Tơlơi phiăn Prăk pơhlôm nua mơnuih mơnam, rơnoh prăk kiăng blơi hră pơhlôm nua mơnuih mơnam rim blan lĕ 22% mrô prăk blan yua pô blơi hră pơhlôm nua mơnuih mơnam ruah mă. Tui anun, mơng lơ 1/1/2022, rơnoh blơi hră pơhlôm nua mơnuih mơnam aset biă mă ñu lĕ 330.000 prăk/blan. Đĭ 176.000 prăk/blan pơhmu hăng rơnoh prăk nôp prăk pơhlôm nua mơnuih mơnam thun 20221. Laih dong, prăk djru mơng Kơnuk kơna hăng ƀing blơi hră pơhlôm nua mơnuih mơnam ăt đĭ mơn. Tui anun, hăng ƀing tơnap tap, sang anŏ rin, mrô prăk hơmâo djru đĭ mơng 46.200 prăk truh 99.000 prăk/blan, mrô prăk djru kơ sang anŏ giăm rin đĭ mơng 38.500 prăk đĭ truh 82.500 prăk/blan. Hăng ƀing pơkŏn lĕ mrô prăk djru mơng 15.400 đĭ truh 33.000 prăk/blan.

Siu H’Mai: Pơblang