VOV4.Jarai-Mơguah lơ 14/10, Jơnum min git gai pơ ala mơnuih ƀôn sang dêh čar pơđut jơnum lok 4. Khua git gai pơ ala mơnuih ƀôn sang dêh čar ơi Vương Đình Huệ brơi thâo, hăng pran jua mă bruă hmar, glăm ba, Jơnum min git gai pơ ala mơnuih ƀôn sang dêh čar hơmâo ngă giong hơdôm boh yôm phun hơdră jơnum.

Khua git gai pơ ala mơnuih ƀôn sang dêh čar ơi Vương Đình Huệ pơhiăp ƀơi mông jơnum

Khua git gai pơ ala mơnuih ƀôn sang dêh čar rơkâo djop sang bruă pơtum glăi abih djop tơlơi rơkâo đĭ mơ̆ng mơnuih ƀôn sang ruah khua mơ̆ng boh tơhnal bưp mơnuih ƀôn sang ruah khua, čih pioh pơtum abih anŏ kiăng, tơlơi rơkâo mơ̆ng ană plơi pla amăng dêh čar mơ-it đĭ kơ jơnum lok 2 mơ̆ng khua mua pơ ala mơnuih ƀôn sang tal 15. Khua git gai pơ ala mơnuih ƀôn sang dêh čar rơkâo čih pơthâo tơlơi klah čun jơnum lok 4, ngă atur kơ bruă mă djop sang bruă amăng anom bruă khua pơ ala mơnuih ƀôn sang dêh čar, kơnuk kơna mơ-it truh pơ djop mơnuih ngă khua pơ ala mơnuih ƀôn sang ƀơi dêh čar.

Hơdôm pok hră lăi pơthâo, boh nik ñu hră lăi pơthâo pơtong glăi kiăng klah čun tong ten, tum teč, thâo rơđah anŏ mơnuih ruah khua gleng  nao. Khua git gai pơ ala mơnuih ƀôn sang dêh čar ơi Vương Đình Huệ rơkâo ngă giong djop hơdră, tơlơi gêh găl pơhlôm klă pơphun jơnum lok 2 tŭ yua, pơhlôm rơnuk rơnua khut khăt.

Nay Jek: Pơblang