VOV4.Jarai - Tơdơi kơ 9 hrơi ngă bruă hơdeč hmar, tlam lơ 28/7, jơnum Khua git gai pơ ala mơnuih ƀon sang dêh čar tal 15 pơđut laih mông jơnum lok 1. Pơhiăp pơđut mông jơnum, Khua git gai pơ ala mơnuih ƀon sang ơi Vương Đình Huệ pơsit: Jơnum lok 1, Khua pơ ala mơnuih ƀon sang dêh čar tal 15 lĕ jơnum hơmâo lu tơlơi yôm biă.

Pơđut mông jơnum lok 1, Khua pơ ala mơnuih ƀon sang dêh čar tal 15

Ƀing khua pơ ala mơnuih ƀon sang dêh čar hơmâo pơđĭ tui tơlơi gơgrong bruă, ngă bruă abih pran jua, abih mông, ngă bruă rơngiao mông pơkă, ngă bruă amăng hrơi pơdơi mơtăm, pơplih phrâo, gum pơgôp lu tơlơi klă hiam, lăp djơ̆ kiăng Khua mua pơ ala mơnuih ƀon sang pơtŏng glăi, pơsit brơi hăng hơmâo čih pơkra 29 tơlơi pơtrun, amăng anun hơmâo 17 tơlơi pơtrun kơ anih mă bruă hăng mơnuih mă bruă, 11 tơlơi pơtrun kiăo tui akŏ bruă phara, 1 tơlơi pơtrun hrŏm kơ bruă jơnum, ƀrô pơsir hơdôm bruă kiăng ječ ƀơi anăp, ƀrô pơsit bruă yôm sui thun, gum ngă truh kih amăng lu bruă, hơmâo mơnuih ƀon sang bơni, tŭ ư hrŏm.

Siu H’Mai: Pơblang