VOV4.Jarai-Pơplông mă ƀăng anih 12 hăng mut hrăm gưl prong thun 2021 tal sa pơđut laih tlam lơ 8/6, tơdơi kơ 2 hrơi pơplông. Anai lĕ tal pơplông phara biă mă, yua kơ pơphun amăng hrơi mông hơmâo klin Covid 19 ƀă hyu kơtang ngă tơnap tap, lu tơring čar, ƀôn prong kah hăng ƀôn prong HCM, tơring čar Bắc Giang, Bình Dương, Phú Yên, Hà Nội….hơmâo lu mơnuih phrâo ƀă dơ̆ng.

Hok mơak yua lu čơđai pơplông dưi pơblang tơlơi tơña pơplông

Yua kơ anun, 63 boh tơring čar, ƀôn prong pok pơhai pơphun tơlơi pơplông rah hăng pơhlôm rah klin kheng, djop sang bruă ngă hrom, djru ngă gêh găl kơ čơđai sang hră. Lơ̆m pơphun pơplông huăi hơmâo tơlơi truh hơgĕt lơi pơdjơ̆ nao kơ klin ăt kah hănghrăm tui dua wơ̆t tal pơplông hlâo kơ anai.

Abih dua hrơi pơplông, ăt dŏ 23 rơbâo čô mơnuih aka pơplông tal anai, pioh pơplông tal 2 dơ̆ng yua bơbeč djơ̆ klin Covid 19. Lu mơnuih ƀôn sang čang romang, djop tơring čar hrăm tui tơlơi găn rơgao pioh pơphun tal pơplông pơ anăp rơnuk rơnua hloh.

Nay Jek: Pơblang