VOV4.Jarai - Khua dêh čar ta phrâo hơmâo tơlơi pơsit mrô 782/QĐ-TTg tŭ yap jơlan hơdră pơgăn kiăng kơ plai ƀiă mơnuih mă bruă lĕ ƀing čơđai, anai lĕ soh hăng tơlơi phiăn rơwang thun 2021-2025, anăp nao thun 2030. Tui anun, Jơlan hơdră ba tơbiă anăp nao thun truh thun 2030, gir run hrŏ trun mrô mơnuih mă bruă lĕ ƀing čơđai hăng ƀing mơnuih mơng 5 truh pơ 17 thun dŏ 4,5%; hrŏ trun mrô mơnuih mă bruă lĕ ƀing čơđai ƀơi hơdôm anih mă bruă kơtrâ̆o, hơƀak jrăk, hŭi rơhyưt. Laih dong kơtưn pel ĕp, tañ ĕp ƀuh hăng pơsir khut khăt hơdôm bruă ngă soh hăng tơlơi phiăn lơ̆m yua ƀing čơđai mă bruă. Jơlan hơdră ba tơbiă hơdôm bruă tong ten kiăng kơ ngă pơgiong ngă hơnong pơkă anun lĕ: Pơgiong hơdră bruă, tơlơi phiăn amăng pơgăn kiăng kơ plai ƀiă pơgô̆ ƀing čơđai mă bruă, pơtô pơblang, pơtrut pơsur kiăng kơ mơnuih mơnam thâo hăng gơgrong ngă tui amăng bruă pơgăng pơgô̆ ƀing čơđai mă bruă.

Siu Đoan: Pơblang