VOV4.Jarai -  Amăng jơlan hơdră jơnum lok 2, Khua pơ ala mơnuih ƀôn sang tal 15, mơguah anai (21/10), Khua pơ ala mơnuih ƀôn sang bơkơtuai ƀơi grŭp lăi pơthâo glăi kơ bruă pơgang, pơgăn klin Covid-19 hăng tơlơi ngă tui Tơlơi pơtrun pơsit mrô 30 thun 2021 kơ tal jơnum lok sa, Khua pơ ala mơnuih ƀôn sang dêh čar ta tal 15. Lu khua pơ ala tŭ ư hăng hơdôm tơlơi hrăm mơng găn rơgao, tơhnal ba tơbiă, tơlơi pơmin, bruă pơgang pơgăn klin Covid-19 amăng hơdôm hrơi pơ̆ anăp mơ̆ lăi pơthâo glăi hmâo lăi nao, amăng anun khom đing nao bruă pơgang pơgăn Covid thâo pơplih kiăng pơhlôm hơđong tơlơi hơdip mơnuih mơnam. Kơnuk kơna ba tơbiă sa dua bruă mă, jơlan gah phun, amăng anun đing nao ngă tui pơplih lom kiăng, ba glăi bôh tơhnal pơkă pơgang, pơgăn klin Covid-19 rah, hơkrŭ glăi rah bruă pơđĭ kyar bơwih ƀong – mơnuih mơnam; pok pơhai ba glăi bôh tơhnal abih bang bruă pơgang, pơgăn klin, hmâo glông hơdră djơ̆ pơhlôm klă, hơdeč hmar, wai lăng ba glăi bôh tơhnal klin Covid-19, lăng anai lĕ bruă mă yôm phăn, ječ mơng hơdôm gưl, hơdôm gơnong bruă dong mơng akô̆ thun 2022 mơtăm./.

Siu H’ Prăk: Pô pơblang