VOV4.Jarai-Mơguah lơ 14/12, ƀơi mông jơnum Diên Hồng, ƀơi sang jơnum prong khua pơ ala mơnuih ƀôn sang dêh čar, Ding jum kơđi čar, Khul khua apăn bruă git gai ping gah dêh čar, pơphun jơnum pơtom hiăp đơ đam dêh čar pok pơhai ngă tui Hră pơtrun mơ̆ng Ping gah dêh čar tal XIII, jơnum mơ̆ng ataih, lăng nao rai amăng tivi.

Khua git gai ping gah dêh čar, ơi Nguyễn Phú Trọng nao jơnum hrom hăng hơmâo tơlơi đĭ pơhiăp git gai jơnum anai. Anai lĕ jơnum pơtom hiăp đơ đam dêh čar, yua kơ Ding jum kơđi čar, Khul khua mua git gai ping gah dêh čar git gai pơphun blung a kiăng pơčrông sai bruă ngă pơtom hiăp mơ̆ng Ping gah, ƀing khua mua pơtom hiăp mơ̆ng Kơnuk kơna, pơtom hiăp mơ̆ng mơnuih ƀôn sang hăng mơ̆ng abih glông amăng kơđi čar.

Jơnum anai, anom bruă pơtom hiăp ĕp glăi, pơtong lăng bruă ngă pơtom hiăp pơ anăp anai pơtrut boh tŭ yua lơ̆m bruă mă. Anai ăt jing mông gêh găl kơ djop gưl, anom bruă, plơi pla hăng khua mua mă bruă pơtom hiăp thâo hluh djop hăng dơlăm hloh tơlơi tŭ yua amăng rơnuk phrâo, kơnuih, tơlơi gơgrong mơ̆ng lŏn ta amăng kual hăng rŏng lŏn tơ nah; anih anom, boh tŭ yua hăng boh yôm mơ̆ng bruă pơtom hiăp abih bang hăng pơkra hơdră man pơdong lŏn ia hăng pơgang dêh čar, pơjing rai tơlơi gêh găl phrâo, yak nao pơ anăp hăng kơsung nao phrâo glông amăng kơđi čar, djop gưl, djop bruă, rĭm čô mơnuih mă bruă pơtom hiăp.

Nay Jek: Pơblang