VOV4.Jarai - Mơguah lơ 10/11, hmâo pơphun ngă Lơphet pok phun Jơnum ƀiă Khua Ding jum khul ling tơhan hơdôm bôh dêh čar kual ASEAN (ADMM ƀiă) tui hơdră lăng nao rai mơng ataih hăng tơlơi gum hrom mơng Khua Ding jum khul ling tơhan hơdôm bôh dêh čar kual ASEAN. Thiếu tướng Pê-hin Han-bi, Khua ding jum tal 2 Ding jum Khul ling tơhan dêh čar Brunei git gai jơnum. Amăng mông jơnum, tơdơi kơ hmư̆ khua pơ ala kơ Brunei lăi nao tơlơi gum hrom yap mơng Jơnum ADMM tal 15 hăng Jơnum ADMM+tal 8, ƀing Khua Ding jum bơkơtuai tơlơi pơmin kơ pơsit jơlan gah  bruă mă mơng ADMM ƀrô djơ̆ tal hơdor glăi 15 thun ADMM. Pơhiăp amăng mông Jơnum, Đại tướng Phan Văn Giang, Khua Ding jum khul ling tơhan dêh čar ta, Khua Grŭp dêh čar Việt Nam pơsit: Pơgang rơnuk rơnua plơi pla, pơhlôm ƀơi dlông ia rơsĭ, tui hluai pô rô nao rai hăng dlông rơhuông adai jing bôh tŭ yua mơng abih bang hơdôm bôh dêh čar ƀơi rŏng lŏn tơnah, yua anun ASEAN khom kiăo tui kơjăp tơlơi pơmin tơlơi pơkă kơ Ia Rơsĭ Ngŏ./.

Siu H’ Prăk: Pô pơblang