VOV4.Jarai - Mơguah anai, lơ 8/12, pok phun mông jơnum lok 6 mơng Jơnum min apăn bruă Khua pơ ala mơnuih ƀôn sang dêh čar ta tal 13. Mông jơnum anai pơphun dua tal (tal 1 mơng lơ 8-10/12, tal 2 mơng lơ 21-22/12/2021). Tal sa, Jơnum min apăn bruă Khua pơ ala mơnuih ƀôn sang dêh čar ta gum pơhiăp kơ rơwang bruă Phiăn pơplih pơkra, pơhrua nao dong sa dua mơta tơlơi mơng Phiăn Tuh pơplai bruă hrom. Phiăn tuh pơplai tui jơlan gah gum hrom dua bơnah bruă hrom hăng bruă ha jăn, Phiăn tuh pơplai, Phiăn juă nua, Phiăn apui lơtrik, Phiăn anom bơwih ƀong, Phiăn mă jia sĭ gơnam tam pha ra hăng Phiăn pơsir kơđi tơlơi. Pel ĕp bruă brơi ngă tui sa dua hơdră pơkă, hơdră bruă gum djru amăng bruă ia jrao kiăng djru bruă pơgang, pơgăn klin Covid-19. Ăt amăng tal sa mơn, Jơnum min apăn bruă Khua pơ ala mơnuih ƀôn sang dêh čar ta gum pơhiăp kơ hră čih pơkra Tơlơi pơtrun pơsit pơphô sa dua hơdră pơkă, hơdră bruă gum djru pha ra pơđĭ kyar ƀôn prong Cần Thơ; bruă prăp lui tal jơnum ƀu pơkă hlâo mơng Khua pơ ala mơnuih ƀôn sang tal 15./.

Siu H’ Prăk: Pơblang