VOV4.Jarai - Mơguah lơ 29/6, Khul pơ ala mơnuih ƀôn sang tơring čar Gialai tal 12, rơwang bruă thun 2021-2026 hmâo pok phun Tal jơnum lok sa. Anai lĕ tal jơnum tŭ yua yôm phăn, pok phun bruă mă sit nik blung a mơng Khul pơ ala mơnuih ƀôn sang tơring čar hăng gong gai tơring čar Gialai rơwang bruă 2021-2026. Amăng Tal jơnum anai, Khul pơ ala mơnuih ƀôn sang tơring čar amra pel ĕp, pơsit sa dua bôh yôm phăn; Amăng anun tơlơi lăi pơthâo bôh tơhnal ruah khua pơ ala Khul pơ ala mơnuih ƀôn sang tơring čar hăng lăi pơthâo glăi bôh tơhnal pơsit kơnuih pơ ala kơ Khul pơ ala mơnuih ƀôn sang tơring čar tal 12, rơwang bruă 2021-2026; pơsit pơdŏng Grŭp djuai ania Khul pơ ala mơnuih ƀôn sang tơring čar hăng pơphun ruah khua mua git gai mơng gong gai gưl tơring čar tal 12; hmư̆ Jơnum min djop djuai ania mơnuih mơnam dêh čar Việt Nam tơring čar lăi pơthâo ruah mă tơlơi gum pơhiăp, tơlơi rơkâo đĭ mơng mơnuih ƀôn sang amăng hơdôm mông bưp kơplah wah mơnuih ƀôn sang hăng mơnuih tơbiă anăn kơ khua pơ ala Khul pơ ala mơnuih ƀôn sang tơring čar tal 12, rơwang bruă 2021-2026; pel ĕp, pơsit Kơčăo bruă pơphun hơdôm tal jơnum tui tơđar thun 2021 mơng Khul pơ ala mơnuih ƀôn sang tơring čar tal 12.

Siu H’ Prăk: Pô pơblang