VOV4.Jarai - Khua dêh čar ta ơi Phạm Minh Chính phrâo anai git gai djop ding jum, gơnong bruă, ƀon lan pok pơhai hơdră djru ječ hmao tlôn brơi ƀôn prong Hồ Chí Minh hăng sa, dua tơring čar, ƀôn prong kual gah dơnung pơphun tŭ yua hơdôm hơdră pơgang klin, pơhlôm hơđong tơlơi hơdip kơ mơnuih ƀon sang hăng tŏ tui bruă bơwih ƀong huă-mơnuih mơnam amăng rĭm tơring čar, ƀôn prong. Tui anun, Khua dêh čar ơi Phạm Minh Chính rơkâo ƀing khua ding jum, khua gơnong bruă dưm kơnar hăng ding jum, khua jơnum min mơnuih ƀon sang djop tơring čar, ƀôn prong ngă gêh gal brơi mơnuih mă bruă, mơnuih ƀon sang glăi mơng ƀôn prong Hồ Chí Minh hăng hơdôm tơring čar, ƀôn prong kual gah dơnung dưi glăi pơ plơi pla  hăng pơhlôm kjăp amăng pơgang klin; pơhlôm gơnam ƀong huă, gơnam yua hăng pơdŭ pơgiăng nao hmao tlôn pơ ƀôn prong kiăng kơ djru brơi mơnuih ƀon sang, anăm brơi anih bă blai, anih kơƀah; pel ĕp, pơpha lăp djơ̆, vaccine pơhlôm brơi ƀôn prong hăng hơdôm tơring čar gah dơnung hlâo kiăng kơ ngă klă amăng bruă tlâ̆o brơi vaccine lăp djơ̆, tŭ yua, rơnuk rơnua.

Siu Đoan: Pơblang